Erla Mëhilli, zëdhënësja e ish-kryeministrit Sali Berisha është indinjuar nga një lajm që ”Top Channel” ka publikuar së fundmi, për masat personale të sigurisë.
Prej 3 ditësh qarkullon në medie informacioni se ka një skenar për atentat ndaj kryedemokratit Lulzim Basha, informacion konfirmuar edhe nga kryeministri Edi Rama, por që nuk është një gjë serioze sipas tij. Megjithatë është konfirmuar edhe nga Garda e Republikës se janë shtuar masat për mbrojten e Bashës.
Pikërisht ”Top Channel”, për shkak të kësaj ngjarje ka shkruar se janë shtuar masat mbrojtëse edhe ndaj ish-kryeministrit Berisha.
”Në faqen web të Top Channel nuk e gjej më lajmin për masat e shtuara personale për Berishën. Ndoshta e kanë hequr. Nëse e kanë hequr, kjo nuk mjafton. Standardi i gazetarisë kërkon q#ë lajmi të përgënjeshtrohet.”, shkruan Mëhilli.
Berisha reagoi ashpër ditën e djeshme, duke thënë se pas kërcënimit të Bashës qëndron Edi Rama. (V.G/SHUPLAKA)
