Zef Bushati: Nëse nuk e respektojnë ligjin e Vettingut dhe ky do jetë një “vrimë në ujë”

Kryetari i Partisë Aleanca Demokritiane përshëndet vendimin e Gjykatës Kushtetuese për lënine në fuqi të Vettingut.

“Në emër të Partisë Aleanca Demokristiane përshendes vendimin e Gjykatës Kushtetuse për lënien në fuqi të Vettingut si pjesë e rëndësishme e Reformës në Drejtësi. Shqiptarët shpresojnë se Ligji i Vettingut do të luftojë korrupsionin në organet e drejtesisë, do të çojë para drejtesisë prokurorë dhe gjyqtarë të inkriminuar, do të pastrojë rradhët e organit të akuzës dhe gjyqsorit e më gjerë”, shkruan ai në Facebook.

Por sipas politikanit Vettingu nuk është dora e drejtesisë së Zotit mbi drejtesinë.

 “Vettingu është një organizëm ligjor me njerëz të emëruar simbas ligjit. Këta njerëz “shqiptarë” të emëruar, nëse respektojnë me ndershmëri ligjin, do ketë rezultate në pastrimin e drejtësisë nga korrupsioni. Nëse edhe këta nuk do e respektojnë ligjin siç veprohet në Shqipëri, edhe ky Ligj i Vettingut do jetë një “vrimë në ujë” si shumë ligje të tjera”, përfundon Bushati. (J.V/Shuplaka)