Presidenti Volodymyr Zelensky u tha më shumë se 40 liderëve evropianë të mbledhur në Spanjë se ai ishte i sigurt për mbështetjen e vazhdueshme nga SHBA dhe kërkoi ndihmën e tyre të vazhdueshme dhe më shumë armë për të kundërshtuar agresionin rus.
Në një fjalim të ngarkuar emocionalisht, Zelesnyi tha se studentët në Kharkiv, Ukrainën lindore, po bëjnë mësim në distancë ose po marrin mësime nën tokë në stacionet e metrosë për shkak të sulmeve ajrore.
“Derisa të ketë një sistem plotësisht efektiv të mbrojtjes kundërajrore, fëmijët nuk mund të shkojnë në shkollë ,” tha ai në një takim të Komunitetit Politik Evropian në Granada, Spanjë, rreth 4,000 kilometra në perëndim të Kharkiv.
Ai shprehu besimin në mbështetjen e vazhdueshme të SHBA-së, pavarësisht asaj që ai e quajti një “stuhi politike” që shpërtheu atje pasi ndihma për Ukrainën nuk ishte përfshirë në një marrëveshje të minutës së fundit të arritur nga Kongresi amerikan për të shmangur një mbyllje të shërbimeve të shtetit.
“ Kam besim në Amerikë. Ata janë një popull i fortë me institucione të forta dhe një demokraci të fortë ”, tha ai.
Zelensky tha se presidenti Vladimir Putin nuk duhet të lejohet të ndërtojë ushtrinë e tij, përndryshe Rusia mund të sulmojë përtej Ukrainës.
“ Le të shkatërrohen vetëm ambiciet e Putinit, jo vendet tona, jo qytetet tona. Fëmijët e çdo vendi meritojnë të jenë të sigurt. Në të gjithë vendin, jo vetëm në metro, jo vetëm në strehimore nëntokësore, por kudo. Ne duhet ta bëjmë të mundur këtë. Ne duhet të sigurojmë që Ukraina të fitojë .’
Discussion about this post