Sinan Hoxha dhe Seldi Qalliu kanë qenë dy nga miqtë dhe ish-miqtë më të përfolur në vendin tonë. Kjo për shkak të një periudhe pauze mes tyre, ku u duk se kishte përfunduar dhe miqësia përveç bashkëpunimeve në aspektin profesional.
Të ftuar mbrëmë në ‘’Xing me Ermal Mamaqin’’ ata kanë deklaruar se miqësia e tyre personale asnjëherë nuk ka përfunduar. Sinani ka treguar se me Seldin kanë edhe njohje familjare.
“Me Seldin në fakt nuk jam ndarë kurrë, më saktë ndarja ka qënë vetëm profesionalisht pra nuk kemi patur më bashkëpunime por ne kemi vazhduar të flasim vazhdimisht sepse kemi njohje familjare.
Pra nuk është se nuk i kemi drejtuar më fjalën njëri-tjetrit” tha Sinan Hoxha ndërkohë që gjatë gjithë kësaj kohe mendohej se ata nuk flisnin bashkë.
Po ashtu ata kanë folur cilat kanë qenë disa nga shkaqet e para të prishjes së marrëdhënies mes tyre.
Sinani: ‘Kemi patur 4-5 bashkëpunime bashkë të cilat rezultuan të suksesshme, koncerte, publik, klikime pafund. Çdo gjë ishte perfekte. Atë kohë Seldi e kishte mbaruar akademinë dhe kur morri famë, ishte paksa i ri në moshë dhe…- tha Sinani duke i lënë fjalën Seldit.
Seldi: “Fama më erdhi pa kuptuar, ishte edhe si një lloj ‘depresioni’ pasi njerëzit thonë se kur njeriu kalon në depresion, nuk e kupton. Asokohe nuk i kushtova shumë rëndësi sepse kishim shumë koncerte, para, lek. Sinani në atë kohë kishte shumë kërkesë llogarie dhe mua më dukej si e tepërt, por sot kuptoj që ishte minimumi që mund të bëje. Ndërkohë që Sinani stukonte veten e vet artistikisht, e bënte këtë edhe me mua, por unë asokohe dilja me femra, pija, të nesërmen duhej të shkonim në koncert, por unë isha tap. Tani e kuptoj”.
Sinani: “Për ta plotësuar, shkëputja e parë në fakt ka ndodhur kur djalit ju shkrep në mendje të bënte një master në muzikë në SHBA edhe pse e kishte mbaruar akademinë dhe ishte në kulmin e karrierës. Unë jam pak strikt në këtë pikë, dhe në fakt Seldi shkoi në SHBA , por ai master nuk u bë kurrë. Aty ndodhi shkëputja e parë”. (E.K/SHUPLAKA)
Discussion about this post