Pas vdekjes së shkrimtarit të madh Dritëro Agolli, Mojkom Zeqo shpreh dëshpërimin e thellë të shuarjes së një “pasurie të rrallë për kulturën shqiptare”, siç e cilëson ai.
“Respekt të madh popullor. Rallë ka njerëz që kanë një vlerësim kaq të madh. Respekt popullor për figurën e Ditëro Agollit. Vdekja fizike e një personaliteti të madh si Dritëroi është e pashmangshme, për një figurë të tillë nuk është shumë e madhe. Ai ka vendin e tij të sigurt në kulturën kombëtare. Mendoj që ka qenë. Të gjithë njerëzit kanë brenga. Nuk e di me saktësi se çfarë brenge ka pasur Agolli. Unë mendoj që roli i tij në letërsi, është nga të paktët shqiptarë që ka qenë i plotësuar në veprat e tij. E bëri detyrën e vet. Madje më shumë se ç’duhet. Ka qenë me fat.”, tha Mojkom Zeqo.
Shkrimtari i madh shqiptar Dritëro Agolli ndërroi jetë në moshën 85-vjeçare në spital vetëm pak minuta më parë. Prej disa ditësh, ai ishte shtruar në sanatorium, për shkak të gjendjes së tij të rënduar shëndetësore prej një sëmundje pulmonare.
Gjashtë ditë më parë, ai u dërgua me urgjencë në sanatorium, për shkak të komplikimeve në rrugët e frymëmarrjes. Fillimisht u raportua në media se Agolli kishte refuzuar të shtrohej në spital, por pas këmbënguljes së familjarëve dhe të mjekëve ishte bindur. Por, pavarësisht se ishte nën kujdesin intensiv të mjekëve, ai ndërroi jetë 8 ditë më vonë në spital, rreth orës 16:00 të pasdites së sotme. (J.V/Shuplaka)
Discussion about this post