Zëvendës-ndihmës Sekretari i përgjithshëm i NATO-s John Manza, gjatë një Konferencë të organizuar nga Qendra Kosovare për Studime të Sigurisë është shprehur se institucionet e Kosovës nuk duhet të nxitojnë me transformimin e Forcës së Sigurisë së Kosovës në Forca të Armatosura.
Manza tha se Sekretari i Përgjithshëm i NATO-s e ka bërë të qartë që transformimi i FSK-së në Forca të Armatosura duhet të kaloj përmes ndryshimeve kushtetuese.
“Këshilla ime është që mënyra më e mirë për të garantuar transformimin e FSK-së në Forca të Armatosura është transformimi i matur, hap pas hapi, dhe jo vendimet e shpejta”, ka theksuar Manza.
Ai ka Shtuar se lëvizjet në këtë proces mund të rrezikojnë bashkëpunimin e vendosur.
“Lëvizjet e shpejta në këtë proces, siç u tentua muaj më parë, mund të rrezikojnë bashkëpunimin e vendosur për një kohë të gjatë dhe NATO kërkon që ky proces të zhvillohet në harmoni me Kushtetutën”,u shpreh ai.
Në fokus të kësaj konference ka qenë “NATO dhe ballkani perëndimor”. (S.SH/Shuplaka)
Discussion about this post