Drejtoresha e Arsimit parauniversitar Zamira Gjini ka njoftuar për mënyrën sesi do të zëvendësohen orët e humbura nga nxënësit. Orët e humbura gjatë dy javëve që janë marrë pushim për arsye të të ftohtit dhe epidemisë së gripit që ka pushtuar vendin do të nisin të zëvendësohen nga Marsi.
Sipas Gjinit ky zëvendësim nuk do të ndodhë të shtunave siç ishte lajmëruar më parë po përgjatë ditëve të javës. Drejtoritë arsimore rajonale do të drejtojnë procesin e hartimit të klëtij plani zëvendësimi.
Nxënësit sipas njoftimit paraprak nga Ministria do të kenë dy ose tre orë mësim më shumë gjatë ditëve të javës. E kështu të paktën fundjava do të qëndrojë ‘’e paprekur’’ për të gjithë nxënësit. (E.K/SHUPLAKA)
