Ka përfunduar pas rreth një orë e gjysmë takimi mes kryeministrit Edi Rama dhe zyrtarit të DASH-it, zv/ndihmës sekretarit amerikan Hoyt Brian Yee, i ndjekur nga takimi me kryeparlamentarin Meta, i cili ka zgjatur rreth 60 minuta.
Në këto dy takime, zyrtari amerikan diskutoi mbi situatën politike në vend, në përpjekje të zgjidhjes së krizës.
Në takimin me Ramën, Yee shoqërohej nga ambasadori amerikan në Shqipëri, Donald Lu, ndërsa kryeministri Rama nga ministri i Jashtëm, Ditmir Bushati. Ndërkaq, gjatë pasdites pritet që të ketë një takim mes Hoyt Brian Yee dhe Lulzim Bashës.
Në mbyllje të takimeve Yee ka parashikuar një bisedë me dy deputetë demokratë, Patozin dhe Bregun. Vizita e tij në vendin tonë shihet si mundësia e fundit për të gjetur një marrëveshje mes palëve për zgjedhjet e 18 Qershorit.
(XH.A/SHUPLAKA)
