Presidenti i vendit Ilir Meta ka reaguar pas hedhjes së shortit në ambientet e presidencës për anëtarët e rinj të KED, të cilët do të kenë një mandat 1-vjeçar.
Në një reagim të shkurtër, Meta thotë se ai pret që puna e KED për vitin e ardhshëm të jetë transparente, njësoj si hedhja e shortit gjatë ditës së sotme.
‘’Pas një shorti tepër TRANSPARENT, tani më e rëndësishme mbetet veprimtaria plotësisht TRANSPARENTE dhe në respekt të ligjit e Këshillit të Emërimeve në Drejtësi (KED) për vitin e ardhshëm”, shkruan Meta në reagimin e tij në Facebook.
Sigurisht kjo fjali e Metës lidhet dhe me përplasjet që ai ka pasur me kreun e KED, Ardian Dvoani, pas përplasjeve mes dy institucioneve në zgjedhjet e anëtarëvbe të Gjykatës Kushtetuese. Presidenti ka depozituar dhe një padi në drejtim të KED, për shpërdorim detyre.
Nga Gjykata Kushtetuese u zgjidhën sot si anëtarë të KED:
Fjona Papajorgji zgjidhet anëtare e parë
Vitore Tusha zgjidhet anëtare e dytë
Marsida Xhafellari zgjidhet anëtare zëvendësuese
Nga Gjykata e Lartë u zgjodh Ardian Dvorani është kandidat i vetëm dhe konsiderohet i zgjedhur automatikisht
Nga Prokuroria e Pergjithshme u zgjodh Arta Marku, Bilbil Mete anëtari zëvendësues
Nga gjykatat e Apelit u zgjodhën:
Miranda Andoni zgjidhet anëtare e parë
Saida Dollani zgjidhet anëtare e dytë
Nazmi Troka zgjidhet anëtar zëvendësues
Nga Prokurorët e Prokurorive pranë Gjykatave të Apelit u zgjodhën:
Ludovik Dodaj zgjidhet anëtari i parë
Fatjona Memçaj zgjidhet anëtare e dytë
Nezir Gjoka zgjidhet anëtari zëvendësues
Nga gjyqtarët e Gjykatave Administrative u zgjodh:
Arjan Qafa zgjidhet anëtar i KED-së
Marjana Velçani zgjidhet anëtare zëvendësuese
(E.K/Faxweb.al)
Discussion about this post