Zgjedhja e Metës president, Spahiu: Ishte një nevojë për një garant të Kushtetutës dhe paanësisë!

Pas zgjedhjes së Ilir Metës si President i Republikës, ka reaguar deputeti i LSI-së Përparim Spahiu.

Nëpërmjet një postimi në rrjetet sociale, deputeti e shikon zgjedhjen e kryetarit aktual të LSI-së si një nevojë në situatën e sotme politike.

“Ilir Meten e zgjodhi President, nevoja për një garant të Kushtetutës dhe paanësisë, në kohët e sotme të vështira për politikën dhe stabilitetin e kërcënuar..!!!!”, shkruan Spahiu.

Në raundin e katërt të zgjedhjes për president, presidenti i ri i Republikës së Shqipërisë u zgjodh kreu i Kuvendit dhe i LSI-së, Ilir Meta. Në seancën e drejtuar nga nënkryetarja Valentina Leskaj, ai u zgjodh me 87 vota pro dhe 2 vota kundër. Ndërkohë vendin e tij si kryetar i LSI-së do ta zërë Petrit Vasili. (D.D/Shuplaka)