Kryetari i Partisë Demokratike, Lulzim Basha, ka reaguar lidhur me ngërçin që ka shoqëruar procedurën për zgjedhjen e Presidentit të Republikës së Shqipërisë.
Pas dështimit të dy raundeve të para, kryedemokrati ka paraqitur ofertën e tij “meqënëse mazhoranca ka kërkuar kontributin e opozitës për zgjedhjen e Kreut të Lartë të Shtetit”.
“I kujt është Presidenti? Oferta ime është kjo, të zgjedhim President nga populli. Meqë çështja e Presidentit po shtrohet në tavolinë, meqë po kërkoni kontributin, iu japim vetëm një ofertë. Të ndryshojmë Kushtetutën, ta zgjedhë populli shqiptar. Presidentin t’ia kthejmë popullit shqiptar.
Zgjedhje më 18 qershor nuk ka e nuk ka për të patur, zgjedhje pa opozitën nuk ka e nuk ka për të patur. “, u shpreh Basha.
