Situata politike në vend vijon të jetë e nderë ndërkohë që data 10 prill është dhe data kur duhet të nisë procedura parlamentare për zgjedhjen e Kuvendit.
Deri më tani nga Kreu i Kuvendit nuk ka ende një datë se kur do të mblidhen krerët e grupeve Parlamentare. Kjo mbledhje është e nevojshme për të vendosur mbi datat e raundeve të votimit për Presidentin.
Palët deri më tani ende nuk janë shprehur as në lidhje me emrat dhe as me datën se kur mund të zgjidhet Presidenti i ardhshëm.
Po çfarë ndodh nëse presidenti nuk do të zgjidhet në këtë legjislaturë të Parlamentit dhe deri kur do të qëndrojë në detyrë:
Presidenti i tanishëm Bujar Nishani ka mandat të vlefshëm deri më 24 korrik dhe sipas asaj që dhe vetë Presidenca është shprehur edhe duke iu referuar Kushtetutës, asnjë ditë pas kësaj date nuk mund të qëndrojë në detyrë.
Sipas Kushtetutës mandati i një Presidenti mbaron 5 vite pas datës së mandatimit të tij pra 24 korriku 2012-24 korrik 2017.
Në rast se nuk ka një President të zgjedhur deri më 24 korrik sipas Kushtetutës vendin e tij e zë Kreu i Kuvendit. E nëse flasim me emra vendin e Nishanit e zë Meta. Emërimi hipotetik i Metës mund të bëhet me një seancë të jashtëzakonshme të Kuvendit që përkon të jetë në korrik, duke shmangur vendin vakant në Presidencë.
Duhet thënë se pavarësisht mbajtjes apo jo të zgjedhjeve në Qershor Parlamenti i tanishëm ka mandat legjitim derimë 9 shtator.
Të gjitha këto që thamë më sipër janë tezat e mundshmë në rast se palët nuk do të arrijnë dot të kenë një marrëveshje në kohë. Pavarësisht kësaj duhet thënë se me ndryshimet Kushtetuese Presidenti i Republikës mund të zgjidhet dhe me një shumicë votash të thjeshtë që është 71 deputetë në raundin e pestë. (E.K/SHUPLAKA)
Discussion about this post