Prokurorja e Apelit në Tiranë Fatjona Memçaj ka dorëzuar kandidaturën për postin e prokurorit të përgjithshëm.
Memçaj ka përfunduar shkollën e magjistraturës në 2002 dhe gjithashtu ka mbaruar studimet për doktoraturë në Universitetin Middlesex, Londër.
Ajo njihet si prokurorja që dënoi në apel Kasteriot Ismailin dhe prokurorja që ka përfaqësuar çështje kundër korrupsionit. Fatjona Memcaj aktualisht është edhe Anëtare e Këshillit të Emërimeve në Drejtësi.
Kujtojmë se kjo kandidaturë për kreun më të klartë të akuzës në vend është e dyta deri më tani, pasi përpara Memcajt ka shpallur zyrtarisht kandidaturën edhe Prokurori i Krimeve të Rënda, Olsian Çelaj.
Emri i tij u bë veçanërisht i njohur kur Kryeprokurorja e Përkohshme Arta Marku e transferoi në Pogradec vitin e kaluar për shkak të debateve mbi çështjen Shullazi. Por në janar të Këtij viti, Këshilli i Lartë i Prokurorisë vendosi rrëzimin e urdhrit të Markut dhe Kthimin e Çelës te Krimet e Rënda.
Discussion about this post