Në lidhje me zgjedhjen e Ardi Veliut në krye të Policisë së Shtetit ka reaguar deputeti demokrat Myslim Murrizi.
Sipas tij me zgjedhjen e Veliut bie ‘’Perandoria e Tepelenës” dhe ngrihet ‘’diktatura e Vlorës”.
Ai thotë se tashmë është bërë e rrugës që kreu i Policisë të jetë nga fshati i ministrit.
“NJE ENVERIST NE KRYE TE POLICISE. Ish oficer i policise ne lirim, i konvertuar ne drejtor te policise se bashkise Vlore, i rikthyer me urdher partie ne nentor 2013 si shef i komisariatit te Durresit, sot do drejtoj policine e SHTETIT.
Pasi u “ rrezua” perendoria e Tepelenes, ne kupolen drejtuese te policise se SHTETIT, ka filluar te “ ngrihet” fuqishem kjo e enveristeve te Vlores.
Fenomeni qe drejtuesit e policise duhet te jene patjeter nga “ FSHATI” i Ministrit, eshte fenomen rilindas.
Ju duhet ta kene te besuar personal se akoma nuk ka mbaruar tonelatat e DROGES”, shkruan Murrizi.
Në kriteret që duhet të përmbushen për të qenë Drejtor i Përgjithshëm në pikën b) të ligjit, thuhet që kandidati duhet “të ketë të paktën 15 vjet përvojë në polici, nga të cilat të paktën 10 vjet në pozita të larta drejtuese në strukturat e Policisë së Shtetit”.
Ardi Veliu nuk e plotësonte këtë kusht, ose më saktë pjesën e dytë të tij që thotë se kandidati duhet të ketë 10 vjet eksperiencë në pozita të larta drejtuese në Policinë e Shtetit. Po mesa duket kjo nuk është marrë parasysh nga ana e ministrit të Brendshëm.
Karriera profesionale:
Komandant i “Postës së Policisë”, Memaliaj, Tepelenë (1998-1999)
Shefi i Policisë së Rendit, Vlorë (1993-2002)
Shefi i sektorit të “Policisë me Uniformë”, Drejtoria e Policisë, Vlorë (2002-2004)
Shefi i sektorit të Rendit, Drejtoria e Policisë, Vlorë (2004-2006)
Shefi i komisariatit të Policisë, Durrës (2013-2014)
Zëvendësdrejtor për Sigurinë, Drejtoria e Policisë, Tiranë (2014-2015)
Drejtor i Kolegjit te Policise (Shkolla Bazë e Policisë) 2015 -2016
Drejtor i Policise Rrugore ne Drejtorine e Policise se Shtetit 29.07.2016 – 27.04.2017
Nga data 28.04.2017 Drejtor i Drejtorise Vendore te Policise Tirane
As Veliu nuk iu ka shpëtuar akuzave politike, ndërsa pak ditë më parë ish-kryeministri Sali Berisha shprehej se atij i ishin vjedhur një sasi e kosniderueshme parash nga banesa.
‘’ I nderuar Dr .Uroj te jeni mire .Drejtori i ri i Policise se Shtetit do jete Ardi Veliu ,pasi diten e shkarkimit te Haki Cakos ,Ardi Veliu shkoi ne zyren e Lal plehut dhe qendroi dy ore me te dhe mori bekimin e tije,pasi Shteti kur bie keq gradon dhe gomarin i ven spaleta dhe e ben Gjeneral.
Por nga Informacione njeqind perqind te sigurta karriera e Ardi Veliut le shume per te deshiruar, pasi ne gusht te vitit 2013 ne kohen qe Ardi Veliu ishte Drejtor i Policise Bashkiake Vlore i vidhet shtepia e tij ne Vlore.Ne denoncimin qe beri ne ate kohe ne Polici deklaroi se i kishin vjedhur 12 mil leke te vjetra.
Por e verteta eshte se i kishin vjedhur 550 mije euro pasi ne ate kohe vuri shperblim 100 mije euro kush gjen hajdutet,por shumen e sakte nuk mund ta deklaronte ne polici pasi nuk kishte sesi ta justifikonte.
Pas vjedhjes se shtepise Ardi ka kaluar ne depresion dhe mer ilace depresioni dhe sot e kesaj dite dhe per kete kohet e fundit ka pesuar tre infakte dhe kete e dijne shumica punonjesve te policise(infaktet). Kerkoj ky informacion te behet publik,duke ruajtur anonimatin..”, shkruante Berisha vetëm pak ditë më parë.
(E.K/FAXWEB)
Discussion about this post