Zgjedhjet e 14 majit, zbardhen dy emra të rinj kandidatësh të PD në bashkitë Patos dhe Vau i Dejës(EMRAT)

Grupi i Alibeajt ka zbuluar dy kandidatë të tjera për kryetarë bashkie në kuadër të zgjedhjeve lokale të 14 majit.  Bëhet fjalë për bashkinë e Vaut të Dejës dhe për Patosin, ku do të kandidojnë dy gra Klomentina Drini  dhe Pranvera Rizai.

Klomentina Drini është kandidatja që do të përfaqësojë grupin e Alibeajt për Vaun e Dejës, ndërsa gjatë viteve të fundit ka qenë ne pozicione të larta drejtimi në fushën e administrimit në biznese private por dhe në administratën lokale.

Ndërsa, për Patosin garon Pranvera Rizai. Kjo e fundit është anëtare themeluese e degës së PD në Patos dhe njihet për kontributin e saj edhe si anëtare e këshillit bashkiak, ndërsa aktualisht është mësuese.