Keryeministri Edi Rama ka reaguar menjëherë pas nënshkrimit të marrëveshjes midis kreut të opozitës Lulzim Basha dhe aleatëve të tij për krijimin e koalicionit opozitar.
Rama shkruan në rrjetet sociale se, asgjë nuk e ndryshon datën e zgjedhjeve me 30 qershor dhe se sjellja e opozitës jashtë parlamentit, është një vetëvrasje politike.
Më tej kryeministri argumenton: Humbësit kronikë janë peng i dëshpërimit të tyre, po Shqipërinë s’e marrin dot peng.
Reagimi i plotë:
Kryeministri Rama në Tëitter:
Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike! Humbësit kronikë janë peng i dëshpërimit të tyre, po Shqipërinë s’e marrin dot peng. Zgjedhjet as ndalen as shtyhen. Në 30 qershor qytetarët do flasin me votë në çdo bashki.
Kreu i PD-së Lulzim Basha në deklaratën e tij dhënë për mediat pas firmosjes së koalicionit për zgjedhjet e ardhshme u shpreh i vendosur se angazhimi kryesor do të jetë mbajtja e zgjedhjeve të lira dhe të pandikuara nga krimi.
”Angazhimi i parë i koalicionit janë zgjedhjet, kurrë më nuk do të pranojmë një proces zgjedhor fals, një qeveri që është vegël e oligarkëve. Angazhohemi që të çojmë para Reformën në Drejtësi, dhe të pakapur nga politika (lexo këtu).
E fundit që ka firmosur këtë marrëveshje ka qenë kryetarja e LSI Monika Kryemadhi, e cila deklaroi para mediave se kjo marrëveshje është finalizimi i një axhende të mirë menduar prej një viti (lexo këtu).
(F.GJ/FAXWEB.AL)
Discussion about this post