Më 11 dhjetor Maqedonia mban zgjedhjet e parakohshme parlamentare, më të rëndësishmet që pas shpalljes së Pavarësisë në vitin 1992. Lidhur me këtë ngjarje të rëndësishme politike për rajonin e Ballkanit ka folur edhe kreu i LSI-së Ilir Meta.
Gjatë fjalës së tij në Konventën Kombëtare Zgjedhore të LSI-së, kreu i Kuvendit u shpreh se partia që ai drejton mbështet një Maqedoni anëtare të NATO-s dhe BE-së.
“Ne mbështesim një Maqedoni të anëtarësuar në NATO dhe së bashku me Shqipërinë anëtare në BE. Ne nuk presim rezultatin e zgjedhjeve që mbahen pas një jave por legjitimitetin dhe njohjen e tyre. Kriza e zgjedhjeve në këtë vend të kalohet një herë e mire pasi ky ështe interesi i gjithë rajonit”, tha Meta.
Sipas tij, LSI mbron interesat e shqiptarëve në rajon pasi kjo është dicka e detyrueshme në Kushtetutën e Shqipërisë.
Discussion about this post