Edhe për çështjen e zgjedhjeve të ardhme të 18 qershorit ka patur sot sulme e kundërsulme mes ambasadorit amerikan Donald Lu dhe kryeprokurorit Adriatik Llalla.
”Prokurorë të korruptuar po përpiqen të vjedhin zgjedhjet dhe Reformën në Drejtësi.”, sulmoi sot prokurorët shqiptarë ambasadori amerikan.
Por në një letër dërguar presidentit Bujar Nishani dhe Ilir Meta, Llalla pretendonte pikërisht se mbi disa prokurorë po bëhen presione.
”Institucioni ynë është i vetëdijshëm se, me afrimin e zgjedhjeve të përgjithshme parlamentare në Shqipëri, të cilat zhvillohen në Qershor 2017, segmente të ndryshme politike, të mbështetur edhe nga faktorë të jashtëm të lobuar, do të tentojnë të ushtrojnë presion ndaj Prokurorisë dhe Prokurorëve të Republikës. Ju garantojmë se do të merret çdo masë, për aq sa i takon institucionit, që të sigurohet vota e lirë.”, shkruante në letër Llalla. (V.G/SHUPLAKA)
Discussion about this post