Presidenti Bujar Nishani, Në një intervistë me gazetarin Lutfi Dervishi, në emisionin “Përballë”, ka folur ndër të tjera, për mandatin e tij 5 vjeçar, marrëdhëniet me mazhorancën, reformën në drejtësi dhe zgjedhjet e 25 qershorit.
Në lidhje me zgjedhjet e 25 qershorit Nishani deklaron se shitblerja e votës ka qenë një nga dy problemet e mëdha që shoqëruan zgjedhjet parlamentare.
“Informacionet e mia zyrtare, serioze tregojnë që është përdorur resurs i madh financiar për të blerë votat. Në të gjithë territorin shqiptar.
Nishani tha se ky fenomen ka ndikuar në rezultatin e zgjedhjeve.
“Nuk ka diskutim që ka ndikuar në mandatet dhe në rezultatin e përgjithshëm të zgjedhjeve. Për sa kohë ndikon në mandate, mandatet përbëjnë rezultatin e përgjithshëm të zgjedhjeve”, tha Nishani.
Ndërkohë që Nishani ngeh shqetësimin se blerja e votës po kthehet në një kulturë shoqërore. Ai thotë se kjo është e favorizuar nga gjendja e vështirë ekonomike të qytetarëve. (B.H/Shuplaka)
Discussion about this post