Në mbledhjen e sotme Komisioni Qendror i Zgjedhjeve ka miratuar fletën e votimit për zgjedhjet vendore të 30 qershorit.
Nëse në datën e parashikuar dhe të dekretuar nga Presidenti i Republikës, Ilir Meta do të zhvillohen zgjedhjet, ky do të ishte rasti unik në vend ku në shumicën e bashkive, kryetari i tyre do të zgjidhej pa rival përballë.
Vetëm në disa bashki kandidojnë përfaqësues të partisë së re të Astrit Patozit, Bindja Demokratike, ndërkohë që në disa të tjera kanë dalë disa kandidatë të pavarur për disa prej të cilavë Patozi ka deklaruar se nëse janë ish-eksponentë të të djathtës ai do t’i mbështeste.
Duke u rikthyer tek vendimet e sotme të KQZ, ky i fundit ka miratuar numrat e kandidatëve për kryetar bashkie.
Kështu në Tiranë i pari në fletën e votimit do të jetë Arben Skënderi i Bindjes Demokratike, ndërsa kryebashkiaku aktual Erion Veliaj nga radhët e Partisë Socialiste do të mbajë numrin dy.
Ndërkohë në bashkinë e dytë më të madhe në vend, atë të Durrësit, Valbona Sakollari e Bindjes Demokratike do të jetë e para ndërsa Valbona Sako e Partisë Socialiste do të jetë e dyta.
Kujtojmë që edhe në zgjedhjet e 2017-tës, kryeministri Edi Rama kishte numrin 2 për Partinë Socialiste në fletët e votimit, ndërsa bënte fushatë me 2 gishta lart.
Më poshtë lista me emrat e kandidatëve në bashkitë përkatëse dhe numri që do të kenë në fletën e votimit:
Tiranë: Arben Skënderi nr 1 (BD), Erion Veliaj nr 2 (PS).
Durrës: Valbona Sakollari nr 1 (BD), Valbona Sako nr 2 (PS)
Korçë: Leonard Olli nr 1 (BD), Sotiraq Filo nr 2 (Partia Socialiste).
Vlorë: Dritan Leli nr 1 (PS), Valbona Mezini nr 2 (BD)
Ndërkohë në bashkitë e tjera të mëdha në vend si ajo e Fierit, Lushnjes, Elbasanit, Shkodrës, Partia Socialiste nuk do të ketë asnjë kandidat përvballë.
(F.GJ/FAXWEB.AL)
Discussion about this post