Zgjedhjet e 30 qershorit/ Zbardhet lista e partive të regjistruara në KQZ

Pikërisht në ditën e fundit të përfundimit të afateve për regjistrimin e partive në zgjedhjet lokale që janë dekretuar të mbahen në 30 Qershor, Faxëeb.al ka siguruar listën e plotë të partive që janë regjistruar në KQZ.

Pavarësisht se PD dhe LSI kanë deklaruar prerë se ato janë opozita e vërtetë e vendit, duket se deri më tani numri i partive të vogla që marrin pjesë në zgjedhje, është i konsiderueshëm.

Në sy bien padyshim parti të afërta me Edi Ramën si PSD e Skënder Gjinushit apo PDS e Paskal Milos, pa harruar Kujtim Gjuzin që është një nga ish-aleatët më të komentuar të Lulzim Bashës, si dhe është në pritje për marrjen e mandatit të deputetit në Qarkun e Durrësit.

Derimë tani burime bëjnë me dije se janë regjistruar 35 forca politike, ndërsa pritet mund të ketë edhe regjistrime të forcave të tjera deri në përfundimin zyrtar të afatit,

Po ashtu ajo çfarë është komentuar gjerësisht është regjistrimi në listat zgjedhore të Partisë së sapo krijuar, Bindja Demokratike e drejtuar nga Astrit Patozi parti e cila sapo është regjistruar në gjykatë dhe në KQZ.

Partitë që janë regjistruar derimë tani në KQZ:

1. Partia e Gjelbër Edlir Petanaj
2. Partia Kombëtare Konservatore Albania Kujtim Gjuzi
3. Partia Kristian Demokrate Dhimitër Musliu
4. Partia Aleanca Demokristiane e Shqipërisë Zef Bushati
5. Partia Socialiste e Moderuar Gjergji Koja
6. Partia e Unitetit Kombëtar Idajet Beqiri
7. Partia e Migracionit Shqiptar Kostaq Papa
8. Partia për Mbrojtjen e të drejtave të punëtorëve të Shqipërisë Kadri Isufaj
9. Partia Personat me Aftësi të Kufizuar Gjovalin Shqalshi
10. Partia Lëvizja Punëtore Shqiptare Genci Sakaj
11. Partia e të Drejtave të Mohuara Ilir Vata
12. Partia Demokracia e re Europiane Koçi Tahiri
13. Partia Aleanca për Barazi dhe Drejtësi Europiane Valentino Mustaka
14. Partia Demokrate për Integrim dhe Prosperitet Kujtim Muça
15. Partia Ardhmëria Shqiptare Emin Subashi
16. Partia Minoriteti Etnik Grek për të ardhmen Kristo Kiço
17. Partia për Liri Demokraci dhe Etikë Arian Galdini
18. Partia Social Demokrate Shqiptare Skënder Gjinushi
19. Partia për Demokraci dhe Solidaritet Gaqo Apostoli
20. Partia Komuniste e Shqipërisë Qemal Çiçollari
21. Partia Socialiste e Shqipërisë Edi Rama
22. Partia Bashkimi Demokrat Shqiptar Ylber valteri
23. Partia Ora e Shqipërisë Zef Shtjefni
24. Partia Bashkimi Liberal Demokrat Arjan Starvova
25. Partia për Mbrojtjen e të Drejtat të Emigrantëve Ymer Kurti
26. Partia Socialpunëtore shqiptare Ramadan Ndreka
27. Partia Zgjidhja Koço Kokëdhima
28. Partia Demokracia Sociale Paskal Milo
29. Partia Ligj dhe Drejtësi Spartak Ngjela
30. Partia e Reformave Demokratike Shqiptare Krenar Rryçi
31. Partia e Pajtimit Kombëtar Shqiptar Spartak Dobi
32. Fryma e re Demokratike
33. Lista e Barabartë Endri Tafani
34. Bindja Demokratike