Zgjedhjet e lira dhe të ndershme, Luan Rama: Çështja e parë që duhet zgjidhur

Nënkryetari i Lëvizjes Socialiste për Integrim, Luan Rama, mbështet kauzën e opozitës për zgjedhje të lira dhe të ndershme.

I ftuar në emisionin “Debati në Channel One” të gazetarit Roland Qafoku, Rama e cilësoi këtë kauzë si një çështje me rëndësi.

“Kauza e zgjedhjeve të lira, padyshim që është një akuzë e drejtë, është një kauzë madhore. Shqipëria e ka problem shumë të madhe çështjen e zgjedhjeve të lira dhe të ndershme, korrekte, transparente.”,u shpreh Rama.

Madje sipas nënkryetarit të LSI-së, kjo çështje aq e debatueshme që nga 18 shkurti, duhet të gjejë sa më shpejt një zgjidhje.

“Është padyshim çështja e parë që duhet zgjidhur dhe prandaj jemi nën apelin e përditshëm për dialog, për mirëkuptim, për konsensus dhe prandaj edhe ndërkombëtarët janë kaq të pranishëm në vajtje-ardhjet e tyre për të bërë të mundur atë që u tha edhe sot nga z. Yee, që natyrisht që zgjedhjet të jetë të mira duhet të jenë të gjithë palët që të konkurrojnë dhe të marrin pjesë në to”, ishin fjalët e Ramës. (D.D/Shuplaka)