Zgjedhjet lokale/ Mediu mesazh të fortë: Nëse nuk i zgjedhim kandidatët në këtë mënyrë, na pret disfata

Kreu i Partisë Republikane, Fatmir Mediu gjatë Asamblesë së Partisë Republikane ka folur për tema të ndryshme aktuale në vend, por jo vetëm, dhe ka hedhur akuza të forta ndaj qeverisë.

Media ka thënë se Rama do të shkatërrojë jetën parlamentare dhe të kapë të gjitha institucionet e drejtësisë në vend, dhe kjo do të ishte shkatërruese për demokracinë.Madje sipas tij, vettingu duhej të fillonte nga politikanët.

Veç kësaj kreu i PR është ndalur edhe tek problem i banorëve të ‘Unazës së Re, zgjedhjet lokale dhe temës së “korrigjimit të kufijve” Kosovë-Serbi.

Sa i përket ‘Unazës së Re’ ai është shprehur se ka raportuar protestën e banorëve të Astirit, gjatë takimit të nivelit te lartë në Parlamentin Europian, në Bruksel.

Mediu tu shpreh se qeveria  duhet t’i shpronësojë banorët e Unazës së Re.

“Në takim fola edhe për protestën e banorëve të Unazës, cënimin e jetës dhe pronës. Pse protesta e tyre është e drejtë? Sepse Rama ka premtuar legalizmin e banesave bizneseve në çdo zonë informale. Një qeveri që përbuz qytetarët e vet meriton përbuzjen e gjithë qytetarëve. Së treti, këto legalizme janë kryer në prona publike, është e pamoralshme. Së katërti shteti ka marrë përsipër legalizimin e mirëfillta për përfitime politike. Përfundimisht për mendimin tim qeveria duhet të shpronësojë këta banorë në vlerat e tregut”, u shpreh kreu i PR.

Kreu i PR foli edhe për zgjedhjet lokale të vitit 2019. Ai dha një mesazh të qartë për të gjitha forcat opozitare për mënyrën se si duhej të përzgjidheshin kandidatët.

“Kandidatë të përbashkët janë vetëm ata që dalin nga propozimet e përbashkëta. Nuk mund të kemi kandidatë që të themi ky është i PD, LSI PR. Ose përndryshe do të shkojmë drejt disfatës”, u shpreh ai ndër të tjera.

Ndërsa duke folur për temën e “korrigjimit të kufijve” dhe deklaratave të Ramës, Fatmir Mediu tha se kjo është një temë e dëshme që po përflitet dhe se nëse ndodh diçka  e tillë të humbur dalin vetëm shqiptarët. Madje ai duke iu referuar fjalorit të kryeministrit Rama në Pejë i cili tha se kush e quante Hashim Thaçin tradhëtar ishte gomar, Fatmir Mediu, theksoi se gomerë janë ata që i mshojnë tezës së “korrigjimit të kufijve”.

(B.H/Faxweb)