Zgjedhjet lokale/ Reagon Rudina Hajdari: Të reagojmë sa nuk është vonë për zgjidhjen e shumë pritur

Ka reaguar në Twitter deputetja e “opozitës së re” e ardhur nga radhët e Partisë Demokratike Rudina Hajdari.

Nëpërmjet një postimi ajo shkruan se koalicioni opozitar dhe marrëveshja e tyre për mos marrje pjesë në zgjedhjet lokale është një fatalitet politik.

Ndërkohë që ajo ka një thirrje për të gjitha partitë opozitare duke u shprehur se reagimi duhet të jetë i menjëhershëm,për të mos qëndruar këshut indiferent, por të ulen në tryezën e bisedimit për zgjidhje e shumë pritur.

Postimi i plotë:

“Marrëveshja ndërmjet partive politike të opozitës për mospjesëmarrje në zgjedhjet lokale, e shikoj si një fatalitet politik.

Nga ana tjetër, indiferencën e qeverisë për situatën e krijuar dhe uria absolute e saj për të gllabëruar çdo ditë pushtet, nuk përbën gjë tjetër, veçse shkakun e drejtë për drejtë të kësaj gjëndjeje.

Sa nuk është vonë të gjithë ata që duan të ardhmen e Shqipërisë, nuk duhet të qëndrojnë indiferentë, por të ulen në tryezën e bisedimit për të gjetur zgjidhjen e shumë pritur.”- shkruan Hajdari