Zgjedhjet, Manjani: Lëreni Kolegjin të vendosë lirisht, pa spiunë e pa ndërhyrje

Zgjedhjet e qershorit janë gjithnjë e më afër ndërkohë që janë shoqëruar vazhdimisht nga ndarje mes qëndrimeve të palëve. Ditën e djeshme nga ana tjetër ka pasur një ankimim në KQZ nga ana e opozitës për datën e dorëzimit të listave të kandidatëve.

Ekspertët zgjedhorë nuk kanë asnjë dyshim, se nëse Kolegji Zgjedhor ia pranon opozitës kërkesën për të çregjistruar kandidatët për deputetë, 18 qershori nuk do të jetë më dita e zgjedhjeve parlamentare dhe situata më pas do jetë e paprecedentë.

Ish-ministri i Drejtësisë Ylli Manjani ka reaguar ndaj kësaj situtate dhe thekson se duhet lënë i qetë Kolegji Zgjedhor të vendosë lirisht, pa spiunë dhe ndërhyrje. 

“Për hir të zotit, lëreni Kolegjin të vendosë lirisht,pa spiunë e pa ndërhyrje! Ligjet aty i patët dhe i zbatuat si deshët!Tani flet gjykata!”, shkruan Manjani.