Organizata “Demokracia në Veprim”, e cila ka monitoruar zgjedhjet e sotme për kryetar të komunës Drenas, ka publikuar rezultatet e para jozyrtare, raporton Gazeta Express.
Nga 65% të vendvotimeve të numëruara nga DNV, rezulton se kandidati i PDK-së, Ramiz Lladrovci ka fituar 46% të votave. Kandidati i Nismës, Isa Xhemaljaj ka marrë 25% të votave.
Kandidati i pavarur, Xhavit Drenori ka marrë 13%, ndërsa ai i AKR-së, Elmi Thaçi 7% të votave.
Sipas DNV-së, kandidati i LDK-së, Bedri Nika ka fituar 6% të votave.
Kujtojmë se Ramiz Lladrovci ka shërbyer më herët si ambasadori i Kosovës në Shqipëri.
Discussion about this post