Zgjedhjet në Drenas, KQZ publikon rezultatet përfundimtare: S’ka ankesa

Komisioni Qendror i Zgjedhjeve ka miratuar dhe shpallur së fundmi rezultatet përfundimtare të raundit të dytë të zgjedhjeve për kryetar të komunës së Drenasit.

Rezultatet përfundimtare janë: kandidati i PDK, Ramiz Lladrovci ka marrë 14 mijë e 537 vota ndërsa kandidati i Nismës për Kosovën, Isa Xhemajli ka siguruar 8 mijë e 704 vota.

Gjatë kësaj mbledhje, KQZ bëri gjithashtu me dije se Paneli Zgjedhor për Ankesa dhe Parashtresa ka njoftuar se nuk ka pasur asnjë ankesë që mund të ndikojë në këto rezultate. (XH.A/SHUPLAKA)