Presidenti i Republikës së Kosovës, Hashim Thaçi, ka pritur në një takim vëzhguesit nga Parlamenti Evropian për zgjedhjet në Kosovë, të kryesuar nga Igor Soltes, e me të cilët bisedoi për zgjedhjet në Kosovë.
Thaçi deklaroi se pret zgjedhje të rregullta në Kosovë dhe se Kosova ka traditë demokratike.
Ai e falenderoi Soltes që Parlamenti Evropian ka dërguar një mision për vëzhgimin e zgjedhjeve.
“Kështu do të konfirmohet standardi i lartë i zgjedhjeve në Kosovë”, u shpreh Presidenti Thaçi.
Soltes u shpreh se zgjedhjet janë proces i rëndësishëm për Kosovën.
“Jemi këtu të ndihmojmë këtë proces të rëndësishëm”, u shpreh Soltes.
Presidenti Thaçi u shpreh se çfarëdo të jetë rezultati i zgjedhjeve, Kosova do të ketë qeveri pro-evropiane, pro-NATO dhe multietnike.(B.H/Shuplaka)
