Endri Tafani ka analizuar procesin zgjedhor në Bashkinë Kukës. Sipas tij në një intervistë në FaxNews, fitorja e PS-së është e sigurt në këtë bashki. Kjo, ka thënë ai për gazetaren Rovena Neziri, për shkak të “makinerisë elektorale” që ka ngritur PS-ja dhe në anën tjetër, përçarja e opozitës.
Tafani thekson se nuk ka ndonjë shpresë për fitore nga opozita, aq sa e cilëson një mision të pamundur. Shton këtu dhe mos-kandidimin e PD, ku nënvizon deklaratën e Lulzim Bashës për të cilën thotë se tregon mosinteresimin për të marrë pjesë.
Dy arsye të forta që favorizojnë PS-në, sipas Tafanit, është pjesëmarrja e ulët dhe ndikimi i kandidatit të PS-së, ku i referohet dhe postit të tij si Prefekt i qarkut.
Endri Tafani: Zgjedhjet në Kukës, po ti mendosh mirë janë pak a shumë të ngjashme me përsëritjen në Rrogozhinë. Në fund u rikonfirmua fitorja e PS-së. Është shumë e vështirë të kesh ndonjë shpresë se mund të fitojë opozita. Te zgjedhjet lokale, njerëzit shohin interesin e tyre. Një fenomen botëror. Ajo që ka PS është një makineri elektorale e frikshme. Sot janë më pak se 23 mijë pjesëmarrës, gjë që favorizon PS-në. Vetë kandidati i PS-së është Prefekti i qarkut, ai që ka votuar PS-në në atë kohë do të jetë në presion për të bërë të njëjtën gjë. Duket si mision i pamundur i opozitës për të fituar. Vetë opozita është e përçarë. PD zyrtare nuk ka marrë pjesë. Nga vetë deklarata e Bashës, shihet se nuk është në interes për të marrë pjesë. Për sa kohë zgjat përçarja e opozitës është e pamundur të arrihet një fitore e PS-së, e cila ka rritur një pushtet politik dhe ekonomik.
Discussion about this post