Ambasada e SHBA-ve në Shkup ka paralajmëruar ditën e sot,e qytetarët amerikanë që ndodhen në Maqedoni se, të dielën, kur mbahen zgjedhjet parlamentare, të evitojnë tubimet masive, pasi ekziston mundësia për trazira.
“Ky është një mesazh i rregullt që jepet ngado nëpër botë dhe është obligim i ambasadës të sigurohet që qytetarët amerikanë të jenë të vetëdijshëm që më 11 dhjetor mbahen zgjedhjet dhe se për këtë mund të ketë tubime masive që përmbajnë rrezik për dhunë”, ka thënë ambasada për portalin “Sakam da kažam”.
Sipas ambasadës amerikane në Shkup, kjo është procedurë standarde në raste të tilla.
Këtë të dielë, në Maqedoni mbahen zgjedhjet e jashtëzakonshme parlamentare, të cilat duhet t’i japin fund krizës politike e cila filloi në pranverën e vitit 2014.
