Zgjedhjet në Maqedoni. Fillon numërimi, zbulohen votat e para

Pak minuta më parë, në Maqedoni  filloi numërimi i votave të para nga komisionet e numërimit të votave.

Deri më tani janë bërë publike rezultatet e para nga numërimi në Likovë, Njësia Zgjedhore nr.2. 

Sipas portalit “Albeu.com”, nga kutitë e hapura 200 vota kanë shkuar për LSDM-në, 98 kanë shkuar për BDI-në, 2 për PDSH-në, 2 për Levizjen BESA dhe 2 për Aleancën për Shqiptarët. 

Zgjedhjet u zhvilluan në 3.480 qendra votimi në gjashtë njësi zgjedhore në mbarë territorin e vendit, si dhe në 46 qendra votimi në njësinë e shtatë zgjedhore që mbulon diasporën.

Në këto zgjedhje të parakohshme parlamentare morën pjesë 11 subjekte politike, prej të cilave gjashtë parti politike dhe pesë koalicione, me gjithsej 58 lista me 1.092 kandidatë për deputetë.