Lidhja Social Demokrate (LSDM) me në krye Zoran Zaev është shprehur se nuk e njeh rezultatin e shpallur nga Komisioni Shtetëror i Zgjedhjeve, sipas të cilit ajo ka siguruar 49 vende ndërsa VMRO-DPMNE 51 vende.
Socialdemokratët pretendojnë marrjen e një vendi më shumë në zonën e gjashtë zgjedhore pas pretendimeve që do të paraqesin, çka çon në barazim të mandateve. Sipas Zaev, Nikolla Gruevski nuk guxon, nuk mundet as nuk duhet të formojë qeveri.
Lideri i LSDM-së u bëri thirrje partive politike që kanë fituar mandate deputetësh në parlament, që të respektojnë vullnetin e shumicës. Edhe Lëvizja Besa ka shprehur pakënaqësinë nga rezultati zgjedhor dhe ka paralajmëruar ankesën për parrëgullsi në zonën e dytë zgjedhore, ku ajo shpreson marrjen e një mandati VMRO-DPMNE-së.
Discussion about this post