Koreja e Veriut nuk e di ende se Donald Trump ka fituar zgjedhjet në SHBA. Sipas “NK News”, mediat shtetërore të Kim Jong-un ende nuk kanë shpallur fitoren e presidentit të ardhshëm të SHBA-së për popullsinë totalisht të izoluar.
Diktatori ndoshta është ende duke pritur për kohën e duhur, pasi ai ka gati skenarin e tij propagandistik për njerëzit e shtypur. Për shkak të izolimit të paprecedentë, regjimi mund të manipulojë të gjithë botëkuptimin e koreano-veriorëve. Mund vetëm të spekulohet se çfarë fshihet pas saj.
Eksperti i Azisë Lindore, Prof. Dr. Rüdiger Frank (Universiteti i Vjenës) thotë se “Trump aktualisht është duke vendosur kursin për politikat e tij për vitet e ardhshme, ndërsa Koreja e Veriut është e garantuar të tërheqë vëmendjen e SHBA thjesht duke vendosur trupa në Rusi”.
Sipas inteligjencës koreano-jugore, diktatura e Kim ka marrë të gjitha masat paraprake për një provë bërthamore – por një test bërthamor që pritej rreth datës së zgjedhjeve në SHBA nuk u zhvillua. “Një provë bërthamore do të ishte tepër e rrezikshme”, thotë Frank, duke shtuar “Kim dëshiron të dobësojë aleancën e SHBA me Korenë e Jugut, jo ta forcojë atë”
