Kreu i Partisë Demokristiane, Nard Ndoka në një lidhje skype për Fax News ka dhënë detaje në lidhje me organizimin e zgjedhjeve të 11 Majit në vendin tonë.
Ndoka në një intervistë me gazetarin Albi Rakip, është shprehur se nga administrata e Trump pritete shumë dhe sipas tij së shpejti do të kemi një ambasador të SHBA.
Lexo edhe: Ndoka: Protesta është e nevojshme, në vijim më të ashpra
Sipas tij në tryezën e kryeministrit Rama ndodhet një kërkesë nga ndërkombëtarët për zhvillimin e zgjedhjeve në tetor.
“Presim që administrata Trump të ketë një vëmendje më të shtuar ndaj Shqipërisë aty ku ka zgjedhje ato janë më të përqëndruar ndaj sipas informacioneve që kam unë së shpejti mund të kemi një ambasador për Shqipërinë që e bën procesin më të denje. Unë i qëndroj vendimin që struktura nuk është e duhura për të zhvilluar zgjedhje të denja. Opozita nuk ka në dorë bllokimin e zgjedhjeve, por faktori ndërkombëtar është e shqetësuar per strukturën në diasporë, dhe nuk duhet që tja tolerojmë këtë.
Në bazë të informacioneve që kam unë në tryezë ka dhe një kërkesë të faktorit ndërkombëtar që zgjedhjet të shtyhen në tetor dhe vendi të ketë një qeveri kujdestare që të kujdeset për transparencën e votimit. Që kryeministri është kapur ne krim zgjedhor që i ka dosjet në hetim por fatkeqësisht jo gjykim. Është kapur vetë babloku me deputetë të kësan mazhorancë dhe me shefa komisariatesh për blerje votash”, ka thënë Ndoka.
Sipas tij zgjidhja e vetme për mbarëvajtjen e zgjedhjeve në vendin tonë është e rëndësishme që të bëhet shtyerja e zgjedhjeve dhe vendosja e një qeverie teknike që të merret me mbarëvajtjen e zgjedhjeve.
“Është shumë e mundur dhe unë e shikoj si të vetmen zgjidhje nëse ne duam një proces të besueshëm pasi Rama ka dhene prova që nuk e ben të mundur një gjë të tillë dhe nuk është më Sorosi, pasi ishte mësuar që të kishte në krah një person që ka probleme me SHBA”, ka thënë Ndoka.
