Zgjedhjet në Turqi/ Erdogan shokon me deklaratën: Opozita merr udhëzime nga terroristët, unë nga Allahu

Në Turqi po intensifikohet përballja parazgjedhore , në prag të raundit të dytë të zgjedhjeve presidenciale të dielën.
Rexhep Tajip Erdogan , pas këngëve në tubime dhe inaugurimit të aeroplanmbajtësve, tashmë e angazhoi Allahun , nga i cili tha se merr udhëzime, duke akuzuar opozitën se ka marrë ” udhëzime nga terroristët që ndodhen në malin Kandil”. Presidenti turk iu referua edhe ekonomisë, duke thënë se nëse do Allahu do të rriten edhe rezervat valutore të vendit. “ Ata të opozitës, marrin udhëzime nga terroristët që janë në malin e Kandilit. Ndërsa ne marrim udhëzime nga Allahu dhe nga populli ynë. Ky është ndryshimi ynë. Deri më sot kështu kemi bërë dhe kështu do të vazhdojmë. Atyre që duan t’ua dorëzojnë ekonominë e vendit fajdexhinjve të Londrës dhe teknokratëve të FMN-së, njerëzit tanë iu përgjigjën dhe u thanë: “Largohuni nga këtu, dilni”, tha ai, gjatë një para- fjalimi zgjedhor, siç raporton SKAI.

Duke vazhduar të flasë për ekonominë, Erdogan tha: “Kur isha kryeministër, në një moment rezervat tona valutore arritën deri në 145 miliardë dollarë. Dashtë Zoti do të arrijmë në këto nivele. sepse jemi të vendosur” .

“ Kur isha kryeministër, në një moment rezervat tona valutore arritën deri në 135 miliardë dollarë. Nëse do Allahu do të arrijmë këto nivele sepse jemi të vendosur ”, tha presidenti turk, Recep Tayyip Erdogan.