Prokuroria e Përgjithshme ka lëshuar njkë urdhër me të cilin parashikohen masat që do të ndërmerren për hetimin e personave që kërcënojnë dhe cënojnë procesin zgjedhor të 30 Qershorit.
Për këtë çështje do të caktohen prokuror dhe oficerët e policisë gjyqësore që do të jenë të gatshëm në terren për të vëzhguar çdo incident të mundshëm duke filluar nga ora 07:00 e ditës së dielë deri në orën 22:00 të mbrëmjes.
Sipas Prokurorisë qëllimi i tij është verifikimi i integritetit të kandidatëve ashtu edhe ndjekja penale ndaj autorëve që prekin zgjedhjet e lira dhe sistemin demokratik të zgjedhjeve apo që cënojnë procesin zgjedhor.
Kujtojmë se ky vendim vjen vetëm 5 ditë përpara zgjedhjeve të 30 Qershorit ndërkohë që palët politike ende nuk kanë gjetur gjuhën e dialogut.
Vlen të theksohet gjithashtu se ky udhëzim vjen pak ditë pas ndryshimeve në Kodin Penal të miratuara nga mazhoranca, të cilat parashikojnë ndëshkim deri në bllokim të lëvizjes jashtë shtetit për ata persona që kryejnë krime zgjedhore.
(F.GJ/FAXWEB.AL)
