Deputeti i PD-së, Genc Pollo në “Natë me Xhaxhiun” tha se shpreson që PD dhe PS të arrijnë një marrëveshje për krizën politike dhe bën thirrje që palët të ulen sa më parë për të dialoguar sërish për negociatat e lënë në tavolinë.
“Të ulen, të jenë të arsyeshëm se edhe shumë kohë nuk ka. PD nuk po tregon muskujt”,- tha Pollo.
“Negociatat duhet të përmbushin dy kushte një qeveri pa kryekanabizuesin e vendit dhe zgjedhje të lira e të ndershme”-shtoi Polli.
Deputeti demokrat tha se të gjithë në PD ishin të një mendje sa i takon ofertës së Ramës mbi ministrat teknikë.
“Të gjithë konvertuan që 4 ministra të propozuar nga Rama në kushtet ku jemi nuk të jep garanci që s’do kemi probleme. Skenaret me mospjesëmarrje janë shqetësuese. Kriza të zgjidhet me dialog, aq më mirë me marrëveshje”,- shtoi Pollo.
(M.D/Shuplaka)
Discussion about this post