Ndërkohë, që është duke shkuar drejt fundit numërimi i kutive të votimit në pjesën më të madhe të bashkive në vend, duke konfirmuar si fitues kandidatët socialist, kryeministri Rama ka reaguar pak çaste më parë referuar fitores në zgjedhjeve, duke dhënë një leksion të shkurtër në lidhje me fitoren dhe “humbjen”.
Përmes një statusi në Twitter, Rama është bërë nostalgjik, duke u kthyer prapa në kohë, ndërsa shprehet se: “Gjyshja ime thoshte po s’e kuptove pse ke humbur, s’e kupton dot pse tjetri ka fituar dhe humbet prapë. Ndërsa unë për vete kam mësuar që kur fituesi nuk kupton se ka fituar ngaqë dikush tjetër ka humbur, atëherë ai rrezikon ta humbasë fitoren e tij”.
Kujtojmë se, në më shumë se 30 bashki Partia Socialiste ka garuar e vetme pa palë kundërshtare, ndërsa ajo ç’ka pritej ishte thjesht çështje shifrash, sa vota, dhe jo se kush kandidat do të fitonte.
Discussion about this post