Natën e mbrëmshme në Korçë pranë qendrës së votimit një polic vrau veten. Të paktën kështu e njoftuan fillimisht grupet e hetimit që mbërritën në vendin e ngjarjes.
Inspektori Ameli Vila, nga fshati Zboq ishte me detyrë në qendrën e votimit 3733 në Dishnicë.
Mirëpo pavarësisht kësaj deputetja e Kuvendit Arbjola Halimi ka ngritur disa pikëpyetje nëse kjo ngjarje e rëndë ka qenë vetëvrasje.
“Duke i kërkuar ndjesë familjes për këtë koment dhe duke i dërguar ngushëllimet më të sinqerta për familjarin e tyre, punonjësin e policisë që ka humbur jetën në Korçë, dua të theksoj se: studimet e deritanishme tregojnë se vetvrasja në shumë pak raste ndodh gjatë aktivitetit të punës.
Ajo është zakonisht një akt i përllogaritur për vendin dhe formën dhe ndodh në kushtet e një izolimi e depresioni të thelle.
Këto zgjedhje janë përgjakur dhe pyetja është: Kush e vrau policin në Korçë?’’, shkruan Halimi. (E.K/SHUPLAKA)
Discussion about this post