Lëvizja Socialiste për Integrim ka zgjedhur Maksim Casllin për të vendosur në krye të Forumit të saj Ekonomik. Në promovimin e kësaj nisme ishte i pranishëm kreu i LSI-së, Ilir Meta, ekspertë të njohur dhe personalitete të kësaj partie.
Nga LSI parashikohet përgatitja e një dokumenti strategjik për zhvillimin ekonomik të vendit, që për LSI-në mbetet një ndër sfidat më të mëdha.
Në krye të kësaj platforme është zgjedhur Maksim Caslli, i lindur më 3 korrik 1967, i cili ka përfunduar Fakultetin e Inxhinierisë Mekanike pranë Universitetit Politeknik të Tiranës,
Me një numër të konsiderueshëm studimesh në fushën e biznesit, me programin MBA në Universitetin e Floridas, ai cilësohet një sipërmarrës i suksesshëm, partner i një kompanie të madhe konsulence në botë.
Eksperienca në zhvillimin e biznesit pritet të shërbejë në programin strategjik të LSI-së. Sektorët e ekonomisë ku Caslli ka pasur eksperiencë të drejtpërdrejtë gjatë këtyre 20 viteve janë kryesisht tregu financiar, infrastruktura dhe transportet, bujqësia dhe energjetika.
(XH.A/SHUPLAKA)
Discussion about this post