Pritet që këtë të hënë të zgjidhet përbërja e re e Komisionit për Zgjedhje dhe Emërime, si dhe të vazhdohet seanca konstituive e lënë përgjysmë më 30 dhjetor për zgjedhjen e kryetarit të Kuvendit të Maqedonisë.
Ende nuk është bërë asnjë koment nga ana e VMRO-DPMNE-së, e cila nuk ka dashur të komentojë nëse do e mbështesë kandidatin e përfolur të shumicës së re parlamentare, Talat Xhaferi ose do të propozojë emër të ri.
“Zgjedhjet e reja të cilat sado qofshin të pa dëshiruara nga LSDM-ja, nënkuptojnë zgjidhje të sigurt për dalje nga kriza. Ato do të jenë referendum i qytetarëve për të ardhmen e shtetit. Organizimi i tyre nuk do të ketë asnjë harxhim shtesë ose humbje tjetër, pasi që në këto kohë ishin paraparë edhe zgjedhjet lokale”, mësohet të jetë shprehur Gruevski.
Nga ana tjetër, LSDM shprehet se zgjedhjet e fundit treguan vullnetin e qytetarëve të Maqedonisë dhe se referendumi i vërtetë ndodhi më 11 dhjetor.
(XH.A/SHUPLAKA)
