Partia Zgjidhja e drejtuar nga Koço Kokëdhima ka publikuar tri spote që u bëjnë thirrje votuesve shqiptarë që të bojkotojnë dhe refuzojnë zgjedhjet parlamentare të 25 qershorit.
Në tre videot e përgatitura denoncohen premtimet e pambajtura të klasës politike në 25 vite, përplasjet e protagonistëve politikë dhe pakti i Ramës dhe Bashës më 18 maj.
Anëtarë të Partisë Zgjidhja thonë njëri pas tjetrit “na lodhët”, ndërsa videot i mbyll drejtuesi i Zgjidhja, Koço Kokëdhima që thotë se nuk duhet të lodhemi, por të lodhim kastën drejtuese dhe të bojkotojmë dhe refuzojmë politikën e deritanishme duke mos marrë pjesë në zgjedhje, ndërsa kush është i shtrënguar të shkojë në votime t’i vendosë një “Z” fletës së votimit. (J.V/Shuplaka)
Discussion about this post