Gjatë këtyre ditëve, i gjithë vendi është përfshirë nga flakët e zjarrit, ndërsa vetëm gjatë 24 orëve të fundit janë rregjistuar 25 vatra zjarri.Vatrat janë përhapur në Tiranë, Dibër, Vlorë, Elbasan, dhe Berat.
Partia “Zgjidhja” e drejtuar nga Koço Kokëdhima, i bën thirrje kryeministrit Edi Rama që të shpallë gjendjen e jashtëzakonshme dhe të kërkojë ndihmë për shuarjen e flakëve edhe tek fqinjët, BE dhe NATO. Madje i kujton Ramës vizitën e fundit në samitin e Kartës së Adriatikut në Podgoricë, ku u përjashtua nga fotoja e liderëve të pranishëm për shkak të atleteve, ndërkohë që shqipëria ishte përfshirë nga flakët.
“Zgjidhja” i bën thirrje Ramës që të lërë tumanet dhe atleter dhe të shuajë zjarret.
REAGIMI I “ZGJIDHJES”
Reagim i partisë Zgjidhja për zjarret dhe paaftësinë e qeverisë “Rama”
Lër tumanet dhe atletet, vish çizmet dhe shuaj zjarret! Vendi është përfshirë nga flakët. Mijëra hektarë pyje po shkatërrohen, qendrat e banuara pranë tyre janë në rrezik.
Qeveria dhe pushteti lokal kanë dështuar dhe janë dorëzuar. Kryeministri merret me denoncime e dënime të turpshme kolektive e publike të dejtorëve dhe e ka mendjen te shoë i rradhës me tumane e atlete, në takimet ndërkombëtare.
Qeveria duhet të shpallë urgjentisht gjendjen e jashtëzakonshme dhe t’u kërkojë ndihmë zyrtarisht fqinjëve, BE-së dhe NATO-s.
Nëse hyn zjarri në Parkun e Llogorasë do të shkatërrohet një nga pasuritë më të rëndësishme natyrore në vend dhe në rajon. Nëse kjo ndodh, ky kryeministër i paaftë, manipulator, gënjeshtar, rrënjëdalë dhe i papërgjegjshëm duhet ta dijë se nuk do t’ia hedhë dot lehtë, duke fajësuar ca vartës të vobektë në administratën e shtetit, që ai vetë e ka shkatërruar! ZGJDHJA fton qytetarët që të reagojnë me forcë, sepse kryeministri i hashashit do të lërë mbrapa vetëm tokë të djegur! #ZGJIDHJApërShqipërinë! (D.D/Shuplaka)
Discussion about this post