Kjo javë pritet të jetë mjaft aktive përsa i përket zhvillimeve të politikës po edhe të përfaqësuesve të jashtëm që nvizitojnë Shqipërinë.
Takimi i së shtunës mes kryeministrit Rama dhe kryetarit të Parlamentit Meta doli në konkluzionin se për të zgjidhur ngërçin me PD-në duhet t’i drejtoheshin Partive Popullore Europiane.
Në Tiranë pritet të mbërrijnë sot dy për faqësues të lartë Europian Sigmar Gabriel dhe ministri i jashtëm hollandez Bert Koender.
Këta janë dy nga diplomatët më të rëndësishëm europiane, që e mbështesin perspektivën europiane të Shqipërisë, por gjithashtu kërkojnë që Shqipëria të kryejë detyrat për hapjen e negociatave, reformën në drejtësi, pjesëmarrjen në institucione dhe vendosjen e dialogut për t’i dhënë vendit zgjedhje të standardeve europiane.
Po ashtu në kuadër të zgjidhjes së krizës politike mes Partive në vendin tonë sot pritet të mbërrijë kryetari i komisionit të jashtëm të parlamentit europian, David McAllister.
Zëvendës-presidenti i partive popullore europiane është pranuar nga forcat politike kryesore, që të marrë rolin e negociatorit për të zgjidhur krizën nëpërmjet dialogut.
Nuk dihet nëse ardhja e diplomatëve të huaj do të bëjë që palët të rimendojnë pozicionet e tyre dhe të gjejnë një zgjidhje të përbashkët që i vjen në ndihmë vendit për aspiratat integruese. (E.K/SHUPLAKA)
Discussion about this post