Themeluesi i Partisë ZGJIDHJA Koço Kokëdhima, në mbledhjen grupit kombëtar të drejtimit që u mblodh sot, ka folur për situatën politike në vend.
“Ne do luftojmë që Shqipëria të zgjidhë problemin e zgjedhjeve, të bëjë zgjedhje të lira e të ndershme dhe me standarde si në të gjitha vendet e tjera të botës së qytetëruar e demokratike. Ne do të jemi modeli i një partie politike që nuk e gënjen popullin”, tha Kokëdhima, i cili ka shtuar se do t’i bojkotojë “zgjedhjet e Ramës dhe të Saliut.
Ndër të tjera, Kokëdhima deklaroi se ZGJIDHJA po punon për ndërtimin e kulturës së kësaj organizate politike, ndërsa draftet e para të dokumentave bazë të kulturës së Partisë do hartohen deri në konferencën kombëtare të muajit të ardhshëm.
“Ne jemi këtu për t’i dhënë popullit tonë ato që s’ja ka dhënë dhe njohur askush në të shkuarën, jemi këtu për t’i dhënë popullit tonë vendin dhe rolin e sovranit në një republikë kushtetuese dhe demokratike të munguar deri tani. Të drejtat që të marrë pjesë në qeverisje, që të zgjedhë vetë përfaqësuesit e tij, që të marrë vendime të rëndësishme drejtpërdrejt.
Ne jemi këtu që ta demokratizojmë këtë vend dhe që t’u japim vlerë bashkësive parapolitike të këtij vendi, ose ndryshe partive politike duke i kthyer ato nga bashkësi bandash të kriminalizuara në bashkësi politike moderne dhe me vlera”, tha kreu i kësaj partie politike.
Në fund të këtij takimi, Zgjidhja vendosi që Konferenca e parë Kombëtare e partisë të mbahet më 10 qershor në Tiranë. (D.D/Shuplaka)
[ngg_images source=”galleries” container_ids=”1922″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
