Lëvizja “ZGJIDHJA” e drejtuar nga ish-deputeti Koço Kokëdhima hap zyrën e saj të parë në Athinë.
Mësohet se vetëm në tre ditët e fundit u anëtarësuan mbi 200 anëtarë, rreth 80 për qind anëtarë të PS-së. Data e krijimit të kësaj zyre përkon edhe me krijimin e degës në Athinë.
Sipas Kokëdhimës, dega e Athinës do të luajë provizorisht rolin e saj si koordinatore për mbarë Greqinë në organizimin dhe shtrirjen e degëve të saj në mbarë shtetin helen.
Ndërkohë këtë të shtunë në qytetin e Hania dhe të Iraklios të Kretës do të themelohen degët e Lëvizjes ZGJIDHJA.
Kokëdhima vazhdimisht është shprehur se kjo lëvizje kërkon zgjedhje të lira dhe të ndershme, por nuk beson se do të ndodhë kështu me në krye Ramën.
“ Edhe zgjedhjet e 18 qershorit nuk mund të jenë të pastra, do të jenë zgjedhje të molepsura. ZGJIDHJA kërkon fitoren e vullnetit të popullit përpara fitores së grupimit tonë politik, preferon një humbje të pakontestuar përpara një fitoreje të kontestuar në zgjedhje. “, ka deklarua Kokëdhima para pak kohësh.
Sipas ish-deputetit, “Zgjidhja” vjen si një nevojë e socialistëve të bazës të cilët janë shtypur në një farë mënyrë nga drejtuesit e partisë. (D.D/Shuplaka)
Discussion about this post