Milani ofroi emocione të mëdha për tifozët e ekipit këtë të diel në ndeshjen e luajtur në San Siro kundër Udinezes. Ndeshja, e cila përfundoi me rezultatin 3-2, ishte spektakolare dhe dukej sikur “Djalli” ishte zgjuar.
Goli i parë shkoi për Udinezen, e cila vetëm 7 minuta pas kishte nisur loja, çua rrjetën me anë të Larsen. Edhe pse pjesa e parë u mbyll në avantazh të Udinezes, gjërat do të ndryshonin në 45-minutshin e dytë. Për Milan arriti të shënonte Rebiç, ndërsa goli i radhës u shënua në minutën e 71 nga Hernandez.
Udineze vendosi të kundërpërgjigjej me Lazanjan, i cili arriti të shënojë golin e barazimit. Për ta mbyllur plot emocione ndeshjen mendoi Rebiç, i cili me një goditje me të majtën i dhuroi fitoren ekipit të Milanit. “Djalli” u ngjit në vendin e tetë me 28 pikë, duke lënë mbrapa edhe Udinezen.
