Memet me në qendër kryetarin e Partisë Demokratike, Lulzim Basha, janë shndërruar pothuaj në të përditshme nga kryeministri Edi Rama, i cili e vë në lojë në rrjetin social “Facebook”.
Këtë të hënë, ai ka zgjedhur një tjetër meme ku një mashkull shihet i shtrirë përmbysë, duke fjetur, me kokë futur brenda një mini-çadre kampingu.
“Zgjohu Luli, fituam! S’je në zgjedhje”, shkruhet në memen tallëse, të cilën Rama e shoqëron me :të qeshura me lot”.
Meme më e afërt ishte ajo e ditës së djeshme, përmes të cilës përfytyrohej Basha se si do të ishte pas 29 vitesh, i vetëm, me cigare në dorë, me mjekër, në mes të pyllit të Bedenit.
Kryetari i Partisë Demokratike, Lulzim Basha, është kryqëzuar vazhdimisht nga kryeministri, por edhe nga kryetari aktual i Tiranës, si një njeri që gjatë kohës në krye të Tiranës, “fjeti gjumë”, duke mos bërë gjë për kryeqytetin.
(XH.A/SHUPLAKA)
