Kreu i KQZ-së Klement Zguri, ka reaguar lidhur me raportin e publikuar nga OSBE-ODIHR për zgjedhjet e 25 qershorit në shqipëri.
Zguri shprehet se KQZ do t’i marrë seriozisht vërejtjet dhe rekomandimet që thuhen në raport. Mirëpo nga ana tjetër, lidhur me pjesën ku thuhet se KQZ nuk ka marrë masa për të qartësuar kundërshtitë ligjore lidhur me reklamat elektorale në mediet audiovizive private, Zguri thotë se KQZ nuk mund të sillet si epror ndaj Parlamentit.
“Pjesa me e rëndësishme e raportit janë, vërejtjet, rekomandimet dhe kritikat. KQZ do ti marrë ato seriozisht, si çështje prioritare të axhendës së vet. Për të analizuar procesin zgjedhor dhe për të hartuar një paketë për zgjidhjen sa më efikase të tyre.
Për rastet e evidentuara në raport si: KQZ nuk mori masa të qartësonte kundërshtitë ligjore lidhur me reklamat elektorale ne medita audiovizive private, KQZ ka vepruar dhe do te veproje me rigorozitet edhe pse KQZ nuk mund të sillej si instancë eprore ndaj parlamentit, mekanizmi ligjor që lejon KQZ të qartësojë kundërshtitë nuk u vu në lëvizje pasi partitë dhe mediat gjetën zgjidhje alternative” – tha Zguri. (D.D/Shuplaka)
