Ditën e sotme ka nisur Komisioni Hetimor i CEZ ku pritej që të dëshmonte biznesmeni Nuel Kalaj. Kreu i Komisionit Taulant Balla, lexoi shkresën e Policisë së Shtetit, e cila kishte shkuar në shtëpinë e biznesmenit, por nuk ishte përgjigjur asnjeri.
Më pas Policia ka kontrolluar vendet ku mund të ndodhej Kalaj. Balla lexoi se Policia kishte gjetur bashkëshorten e Kalajt, e cila kishte thënë se nuk kishte asnjë dijeni se ku ndodhej bashkëshorti.
Pas kësaj, policia dërgoi shkresa në pikat kufitare për ndalimin e Kalajt, nëse tenton të largohet nga vendi, apo të kthehet në rast se është jashtë vendit.
Balla po ashtu tha se ka prova konkrete që dëshmitari Ismail Mulleti ka marrë 200 mijë euro si sekseri i Shkëlzen Berishës.
“Ne kishim thirrur Nuel Kalaj, kemi prova që ai nën dhe e nën tavolina ka negociuar procesin e shitjes së komapinë OSSH drejt CEZ. Ky komision nuk ka dyshime që ky person, Nuel Kalaj ka pasur lidhje, kemi prova filmime që kontaktonte ministra të qeverisë së kaluar. Na ka sjellë një bankë e nivelit të dytë gjithë transaksionet të ardhura në llogari bankare të këtij dëshmitari që sapo u largua (Shkëlzen Berisha), na rezulton që ky dëshmitari nga llogaria e Nuel Kalaj, ky person ka marrë 200 mijë euro nga Ismail Mulleti. Prandaj ky person fshihet falë një vendimi të një gjykatësi të emëruar nga babi. Unë nuk kam konflikt me Saliun dhe Shkëlzenin. Sipas detajeve të veprimit Shkëlzeni ka marrë 200 mijë euro komision nga një shitje toke” ka thënë Taulant Balla. (M.D/ Shuplaka)
